У Дрыбіне наведалі грамадзян з запазычанасцю за ЖКП

Супрацоўнікі групы па разлікова-пашпартным абслугоўванні г.Дрыбіна наведалі 12 адрасоў, па якім маецца запазычанасць па плаце за жыллёва-камунальныя паслугі.

З адным грамадзянінам давялося пагутарыць асабіста. У яго было падпісана папярэджанне па запазычанасці. Тым, каго не давялося застаць дома, былі пакінуты папярэджанні аб запазычанасці, якую яны маюць, а таксама мерах, якія будуць ужыты, калі грошы не паступяць на рахункі.

У Магілёўскім абласным цэнтры інфармацыйных сістэм нагадваюць: тэрмін аплаты за жыллёва-камунальныя паслугі да 25 дня кожнага месяца.