У Чэрыкаве працягваецца работа з грамадзянамі, якія маюць запазычанасць за ЖКП

Супрацоўнікі групы па разлікова-пашпартным абслугоўванні г.Чэрыкава Магілёўскага абласнога цэнтра інфармацыйных сістэм разам з пастаўшчыкамі паслуг наведалі 62 адрасы з запазычанасцю за ЖКП. 

Папярэджанні аб запазычанасці былі падпісаны ў 11 грамадзян. Таксама ім растлумачылі, якія меры будуць ужыты, калі грошы не будуць пералічаны на рахункі. 

Пастаўшчык паслуг зрабіў шэсць адключэнняў ад унутрыдамавой электрычнай сеткі і два – ад водазабеспячэння. 

Дванаццаць грамадзян часткова аплацілі запазычанасць. 

У Магілёўскім абласным цэнтры інфармацыйных сістэм нагадваюць: тэрмін аплаты за жыллёва-камунальныя паслугі да 25 дня кожнага месяца.