У Чэрыкаве наведалі грамадзян, якія маюць запазычанасць за ЖКП

Супрацоўнікі групы па разлікова-пашпартным абслугоўванні горада Чэрыкава наведалі 15 адрасоў з запазычанасцю за жыллёва-камунальныя паслугі. 

Папярэджанні аб запазычанасці падпісаны ў 2-х грамадзян. Падчас гутаркі спецыялісты паведамілі ім, якія меры будуць ужыты, калі грошы не пачнуць паступаць на рахункі. Шэсць грамадзян зрабілі аплату ў поўным аб’ёме, тры – часткова. 

Астатнім былі пакінуты папярэджанні аб наяўнасці запазычанасці, тэрмінах яе аплаты і мерах, якія чакаюць грамадзян, калі яны і надалей не будуць плаціць за жыллёва-камунальныя паслугі.