Вучні сярэдняй школы № 19 Магілёва імя М.Ф.Сафонава пазнаёміліся з дзейнасцю абласнога цэнтра інфармацыйных сістэм. Прафарыентацыйнае мерапрыемства адбылося 3 красавіка на базе разлікова-касавага цэнтра № 5 Магілёва з удзелам намесніка дырэктара прадпрыемства Наталлі Шамбалавай.
Падчас азнакамляльнай экскурсіі школьнікам расказалі пра асноўныя напрамкі дзейнасці абласнога цэнтра інфармацыйных сістэм. У тым ліку пра работу «Кантакт-цэнтра 115», разлікова-касавых цэнтраў, службы маркетынга і інфармацыйных тэхналогій.
Таксама школьнікам распавялі пра тое, як арганізуецца работа з маладымі спецыялістамі на прадпрыемстве, якія працоўныя гарантыі яны атрымліваюць, калі ўладкоўваюцца на працу ў Магілёўскі абласны цэнтр інфармацыйных сістэм, і інш.
Будучыя выпускнікі актыўна задавалі пытанні, а пасля адзначылі, што прафарыентацыйнае мерапрыемства было для іх цікавым і карысным.
