Семінар-нарада па пытанні своечасовага прыняцця мер па заяўкам і прэтэнзіям у праграмным забеспячэнні АС «Дыспетчарская служба», якія паступаюць ці знаходзяцца на кантролі, адбыўся ў Магілёўскім гарвыканкаме 17 красавіка.
Удзельнікамі семінара сталі прадстаўнікі прадпрыемстваў жыллёва-камунальнай гаспадаркі абласнога цэнтра. Спікерамі на мерапрыемстве выступілі начальнік службы «Кантакт-цэнтр 115» Магілёўскага абласнога цэнтра інфармацыйных сістэм Вольга Рудкоўская і вядучы спецыяліст службы Вольга Мендзялеева. Падчас семінара былі акрэслены асноўныя моманты па рабоце з заяўкамі і прэтэнзіямі, асаблівую ўвагу звярнулі на спрэчныя аспекты ўзаемадзеяння. Таксама прадстаўнікі абласнога цэнтра інфармацыйных сістэм адказалі на пытанні, якія задавалі ўдзельнікі семінара.
