Гарадскі велапрабег традыцыйна адбыўся ў Магілёве 1 мая. Удзельнікі спартыўнага мерапрыемства пераадолелі на роварах 10-кіламетровы маршрут: ад праспекта Міра праз вуліцу Касманаўтаў, праспект Шміта, вуліцу Гагарына, Пушкінскі праспект да парку ў Падміколле.
Супрацоўнікі Магілёўскага абласнога цэнтра інфармацыйных сістэм (у тым лiку актывiсты «пярвiчак» БСЖ, «Белая Русь», БРСМ, прафсаюза) разам з дырэктарам прадпрыемства Аленай Бальшаковай таксама не абмінулі маштабнае адкрыццё веласезону, прысвечанае 85-ай гадавіне гераічнай абароны Магілёва і Году беларускай жанчыны.
