У Магілёўскім абласным цэнтры інфармацыйных сістэм падвялі вынікі конкурсу дзіцячых малюнкаў «Беларуская жанчына вачыма дзяцей», прысвечанага Году беларускай жанчыны.
Нагадаем, творчае спаборніцтва праводзілася сярод дзяцей супрацоўнікаў прадпрыемства. Для ўдзельнікаў было прадугледжана некалькі ўзроставых катэгорый і тры намінацыі.
Арганізатарамі конкурсу выступілі адміністрацыя Магілёўскага абласнога цэнтра інфармацыйных сістэм і пярвічная арганізацыя ГА «Беларускі саюз жанчын».
Сёння конкурсная камісія на чале з дырэктарам прадпрыемства Аленай Бальшаковай і старшынёй пярвічнай арганізацыі БСЖ Аленай Казусь падвяла вынікі і вызначыла пераможцаў. Адзначым, што ўсе ўдзельнікі конкурсу будуць узнагароджаны дыпломамі і памятнымі падарункамі.
