У Мінску адбылася ўрачыстая цырымонія закрыцця III Міжнароднай спецыялізаванай выставы жыллёва-камунальнай гаспадаркі «Наш дом».
Трохдзённая праграма была даволі насычаная. У межах маштабнага мерапрыемства адбыліся круглыя сталы, навукова-практычныя канферэнцыі, семінары, прэзентацыі, дзелавыя сустрэчы.
Магілёўскі абласны цэнтр інфармацыйных сістэм прадстаўляў на выставе распрацаваны анлайн-модуль — калькулятар ЖКП. Таксама супрацоўнікі прадпрыемства паўдзельнічалі ў рабоце круглага стала «Цыфравізацыя ў галіне эксплуатацыі жыллёвага фонду», правялі шэраг сустрэч з калегамі і наведвальнікамі выставы.
Па выніках выставы прадпрыемства атрымала дыплом удзельніка, які ўручыў міністр жыллёва-камунальнай гаспадаркі Генадзь Трубіла.
